ماسك_الجمعة ^_^

كيف حالكم حبيباتي ..

اليوم حنزل مقادير الماسك الي اعملوا نهاية كل اسبوع , الماسك جبار من كل النواحي من اول مرة يبان الفرق معاكي يصفي وينقي ويعطي نظارة ويفتح ويشيل الاثار السودا والهالات ويشد البشرة جميل جميل بكل معنى الكلمة !!!

المقادير كالتالي :
بالخلاط..
- ملعقة شوفان
- ملعقة لبن
- شوية موية ورد
بعد ماتخلطيهم حطي عليهم  ..
- ملعقة صغيرة عسل
- ملعقة صغيرة سدر
- كبسولتين فيتامين E
وقلبيهم سوا وحطيها على وجهك لمن ينشف كليا قشريه بحركة دائرية وحطي بعدو مرطب وشوفي النتايج كيف الماسك جدا فرق معايا بكل مصداقية !
- ممكن تخلطي كمية كبيرة من الشوفان واللبن وموية الورد وتحطيه بالثلاجة وكل اسبوع تخرجي شوية منها وتحطي باقي الاغراض الي كتبتها فوق بوقتها ^_^

 

جربوه وادعووووولي ...

Good Girl (Carolina Herrera)

 

 

مساء الخيير حبيباتي كيف حالكم ان شاء الله كويسين ..

اليوم موضوعي راح يكون عن هالعطر الجميييل من كارولينا هيريرا !

العطر انثوي بكل معنى الكلمة ويمتاز بشكله المثالي والجذاب واسمه الي انطبق علينا , ريحته هادية وفخمة تناسب الصباح والمساء , يتمتع بعبير التوبيروز وحبوب التونكا والياسمين الابيض والكاكاو!! عطر قود قيرل بصفة عامة اختيار كل انثى

سعر ال 80 مل 550 ريال وسعر ال 50 مل 425 ريال . تلقوه بوجوه

 

 

 

برايمر العين من بينيفت

سبق واتكلمت عن هالبرايمر انه افضل برايمر عين استخدمتو وما افكر اني استخدم غيرو من كثر ما انه ريحني من كل النواحي يوضح لون الاي شادو اذا عندك اي شادو خفيف ومايبان جربيه معاه وشوفي الفرق غير كذا مايخلي الاي شادو يكتل او يخطط ويسهل عليكم الدمج للي يواجهو صعوبة اتعب اقولكم كيف جميييييل انا اخذت الدرجة الاغمق لان الفاتح لونو ماعجبني ابدا ما افتكر السعر صراحة بس كان 100 وشي .

 

إضاءة واتس أب من بينيفت

 

 

كيف حالكم حبيباتي ان شاء الله كويسين ..

حابة اليوم اكلمكم عن منتج قد نزلتو قبل فترة في حسابي وهو اضاءة واتس اب من بينيفت !!

اتعب اقولكم هالمنتج كيف جميل سسلب عقلي يستاهل كل ريال فيه من افضل الاضاءات الكريمية الي استخدمتها مهو من الاضاءات الي تجيك صارخة او تلمع بزيادة لا يخلي الوجه ططبيعي وسسهل جدا ف الدمج وانا خصيصا افضل دمجو ب بيوتي رططبة ما احس فيه عيوب صراحة وبكل مصداقية جربوه ومارح تندموا سعره 160 ريال اتوقع

 

 



 

 

 

 

كيفكم حبيباتي راح اعرفكم عن نفسي بشكل مختصر ..

انا روان ادرس نظم معلومات في جامعة الملك عبدالعزيز بجدة هاوية مكياج اهتم لكل مايبرز جمال المرأة وان شاء الله راح اشاركم هنا كل شي ممكن يفيدكم .